Skip to main content
1.1

Мэдээллийн бодит байдлыг баталгаажуулахаас нааш ямар ч тохиолдолд олон нийтэд түгээхээс татгалзана.

1.2

Мэдээллийн эх сурвалжийг ил тод нэрлэж баталгаажуулна.

1.3

Мэдээллийн бүтэц, агуулгыг буруугаар ойлгуулах, бодит байдлыг хэл найруулга, техникийн арга хэрэгслээр гуйвуулахгүйг эрмэлзэнэ.

1.4

Мэдээлэлд холбоотой бүх талын эх сурвалжид тайлбар өгөх боломжийг ижил түвшинд олгоно.

1.5

Хараат бус, бие даасан, тэнцвэртэй мэдээллийг хүргэх үүднээс аливаа нам, улс төрийн хүчин, төрийн болон бизнесийн байгууллагын хяналтаас ангид олон нийтийн дуу хоолойг илэрхийлсэн, үндэсний эрх ашиг, нийгмийн үнэт зүйл, хүний эрх, шударга ёсыг дээдэлсэн зарчимтай, ёс зүйтэй мэдээллийг түгээнэ.

1.6

Боловсрол, нийгэм, улс төр, эдийн засаг, спорт, соёл урлаг, технологи, дотоод болон гадаадын цаг үеийн мэдээлэл, сэтгүүлзүйн олон төрөлт контентыг хэрэглэгчид хүргэхээс гадна уншигчдыг хөтлөх, боловсруулах, соён гэгээрүүлэх үүргээ ухамсарлан нийгмийг чиглүүлэх, түүчээлэх үүргээ чухалчлан үзнэ.

1.7

Бид нийгмийн бүхий л хэсгийн дуу хоолой, үзэл санааг хүргэхийг хичээнгүйлэн ажиллах бөгөөд хүний эрх, жендерийн тэгш байдлыг хангасан олон янзат байдлыг хангасан контентыг бүтээх, түгээхэд анхаарна.

2.1

Мэдээлэлтэй холбоотой олон нийтийн хуульд нийцсэн үзэл бодлыг өрөөсгөл ашиг сонирхлын үүднээс цагдан хорих, засварлахаас татгалзана.

2.2

Ташаа мэдээлэлд холбогдож нэр төр, алдар хүнд болон бусад байдлаар хохирсон нь тогтоогдсон иргэнтэй холбоотой мэдээллийг нэн даруй залруулна.

3.1

Сайтын сэтгүүлч эх сурвалжид өөрийгөө ил тодоор танилцуулж шударгаар харилцахыг эрхэмлэн ажиллана.

3.2

Олон нийтийн эрх ашгийг хамгаалах онцгой ач холбогдол бүхий мэдээллийг шударгаар олж авах боломжгүй тохиолдолд өөрийн болон байгууллагын нэрийг өөрөөр хэлэх буюу хэлэхгүй байх, нууцаар бичлэг хийх болон тагнаж чагнаж болно.

3.3

Итгэл хүлээж олж авсан мэдээллийнхээ нууц эх сурвалжийг ямар ч тохиолдолд нууцлана.

4.1

Мэдээллийн агуулгыг бусдын эрх ашигт нийцүүлэн өөрчлөх, хэн нэгнийг гүтгэх, доромжлох, мэдээллийг хувийн зорилгод ашиглах, мэдээлэх, эс мэдээлэхийн тулд аливаа хэлбэрийн авлига авахаас татгалзана.

4.2

Үзэл бодол хийгээд баримтыг хэрэглэгчдэд ойлгомжтой байдлаар ямагт ялгаж зааглах зарчмыг баримтална.

4.3

Захиалгат, төлбөрт мэдээллийг тодорхой тэмдэг, тэмдэглэгээгээр тэмдэглэж байна.

4.4

Олон нийтэд хүргэж буй мэдээллээ бодит байдалд нийцсэн, илүү өгөөжтэй байлгах чиглэлд сэтгүүлчдийг тухайн жилийн сургалтын төлөвлөгөөний дагуу сургалтад хамруулахаас гадна салбарын сургалтад хамруулан мэргэжлийн хувьд чадавхжуулна.

4.5

Сэтгүүлчид өдөр тутмын үйл ажиллагаа болон сэтгүүлзүйн бүтээл бэлтгэх, мэдээлэл хүргэх явцдаа дотоод үйл ажиллагааны журам, ажлын заавруудыг чанд мөрдөн ажиллана.

4.6

Аюултай нөхцөлд мэдээ, сурвалжилга бэлтгэх бол аюулгүй байдлын зааварчилгааны дагуу ажиллана.

4.7

Редакцад ажилтан шалгаруулахдаа нээлттэй сонгон шалгаруулалт, ярилцлага, шаардлагатай тохиолдолд ажлын даалгавар гүйцэтгэсний үндсэнд шинээр ажилтныг авах бөгөөд шинэ ажилтныг чиглүүлэх сургалтад хамрагдсан байна.

4.8

Редакцын бүрэлдэхүүн болон тоног төхөөрөмжийг гэнэтийн ослын даатгалд хамруулна.

5.1

Тухайн мэдээлэлд онцгой хамааралгүй хүний хувийн амьдралд хүндэтгэлтэй хандана. Тухайлбал гэмт хэрэг, осол гамшгийн сэжигтэн, золиос, өртөгсөдтэй холбоотой хүмүүсийн овог нэр, ажил, албан тушаал, гэрэл зураг, дүрсийг тэдний зөвшөөрөлгүйгээр нийтэлж, нэвтрүүлэхгүй.

5.2

Бусдын уй гашуу, зовлон шаналалд хүндэтгэлтэй хандаж, гэрэл зураг, дүрс бичлэг хийхдээ мэргэжлийн онцгой мэдрэмжтэй хандана.

6.1

Мэргэжил нэгтнүүдийнхээ эрх ашгийг хүндэтгэж, зөвхөн шударга өрсөлдөөнийг эрхэмлэнэ.

6.2

Мэргэжил нэгтнийхээ бүтээлээс иш татвал эх сурвалжийг ил тод, ойлгомжтой байдлаар дурдана.